AtuartigukIsumaginninnermut ministerip Sofie Hæstorp Andersenip ataatsimeeqatiginera: Kalaallit innuttaasut innarluutillit naligiimmik periarfissaqartariaqarput
Nassiussisuuvoq: Peqqissutsimut inunnullu Innarluutilinnut Naalakkersuisoqarfik
Peqqissutsimut Inunnullu Innarluutilinnut Naalakkersuisoq, aamma danskit isumaginninnermut ministeriat Sofie Hæstorp Andersen pingasunngormat ataatsimeeqatigaa. Ataatsimiinnermi inuit innarluutillit pillugit unammilligassat ilungersunartut, pingaartumik inuusuttut inersimasullu ersinngitsumik innarluuteqartut Nunatsinni atugaat qitiutinneqarput.
“Nunatsinni neqeroorutinik naleqquttunik innuttaasut ilaat amigaateqarlutik, tapersersorneqarnissamik pisariaqartitaminnik pissarsiniarlutik Danmarkimut nuuttariaqartartut ajoraluartumik nalaattarparput. Tamanna naleqqutinngilaq, tamatta akisussaaffimmik tigusisariaqarpugut,” Naalakkersuisoq, Anna Wangenheim oqarpoq.
Naalagaaffeqatigiinnermi inuit innarluutillit assigiinnerusumik atugaqarnissaannik qulakkeerinninnissamik pisariaqartitsineq oqaloqatigiissutigineqarpoq. Nunatsinni massakkut suliassaqarfimmi inatsisissanik aaqqiissutissanillu inerisaanissaq anguniarlugu suliaqartoqaleruttorpoq, kisianni Danmark naalagaaffeqatigiinnerup iluani ilisimasanik avitseqatigiinnissamik suleqatigiinnissamillu pisussaaffeqarpoq.
“Massakkut aaqqissuussineq pillugu innuttaasullu qaninnerusumik suleqatiginissaat pitsanngorsaleruttorpagut, kisianni innuttaasut naligiimmik pisussaaffeqassappata Danmarkip suleqatigilluarnissaa akisussaaffeqaqataanissaalu atorfissaqartippavut ,” nangippoq.
Ataatsimiinnermi aaqqissuusaanikkut unammilligassat pillugit suliaqaqqinnissaq soqutigineqartoq oqaatigineqarpoq, pissutsillu qanimut takutinniarlugit isumaginninnermut ministeri nunatsinnut tikeraarnissamut qaaqquneqarpoq.
“Ikiorneqarnissamut tapersersorneqarnissamullu periarfissat nunap sortaani inissisimaneq apeqqutaasarmat, pisinnaatitaaffitsigut piviusumik naligiinngilagut. Tamanna akuerineqarsinnaanngilaq. Ministerip tusarnaarnera akisussaaqataarusunnermillu takutitsinera nuannaarutigaara – suleqatigiinnissamut neriuuteqalersitsivoq,” Anna Wangenheim naggasiilluni oqarpoq.
Sukumiinerusumik paasisaqarniaruit naalakkersuisup allattaa, Nivé Lynge Biilmann, oqarasuaatikkut attavigineqarsinnaavoq: +299 23 23 50 imaluunniit e-mail: [email protected]
“Nunatsinni neqeroorutinik naleqquttunik innuttaasut ilaat amigaateqarlutik, tapersersorneqarnissamik pisariaqartitaminnik pissarsiniarlutik Danmarkimut nuuttariaqartartut ajoraluartumik nalaattarparput. Tamanna naleqqutinngilaq, tamatta akisussaaffimmik tigusisariaqarpugut,” Naalakkersuisoq, Anna Wangenheim oqarpoq.
Naalagaaffeqatigiinnermi inuit innarluutillit assigiinnerusumik atugaqarnissaannik qulakkeerinninnissamik pisariaqartitsineq oqaloqatigiissutigineqarpoq. Nunatsinni massakkut suliassaqarfimmi inatsisissanik aaqqiissutissanillu inerisaanissaq anguniarlugu suliaqartoqaleruttorpoq, kisianni Danmark naalagaaffeqatigiinnerup iluani ilisimasanik avitseqatigiinnissamik suleqatigiinnissamillu pisussaaffeqarpoq.
“Massakkut aaqqissuussineq pillugu innuttaasullu qaninnerusumik suleqatiginissaat pitsanngorsaleruttorpagut, kisianni innuttaasut naligiimmik pisussaaffeqassappata Danmarkip suleqatigilluarnissaa akisussaaffeqaqataanissaalu atorfissaqartippavut ,” nangippoq.
Ataatsimiinnermi aaqqissuusaanikkut unammilligassat pillugit suliaqaqqinnissaq soqutigineqartoq oqaatigineqarpoq, pissutsillu qanimut takutinniarlugit isumaginninnermut ministeri nunatsinnut tikeraarnissamut qaaqquneqarpoq.
“Ikiorneqarnissamut tapersersorneqarnissamullu periarfissat nunap sortaani inissisimaneq apeqqutaasarmat, pisinnaatitaaffitsigut piviusumik naligiinngilagut. Tamanna akuerineqarsinnaanngilaq. Ministerip tusarnaarnera akisussaaqataarusunnermillu takutitsinera nuannaarutigaara – suleqatigiinnissamut neriuuteqalersitsivoq,” Anna Wangenheim naggasiilluni oqarpoq.
Sukumiinerusumik paasisaqarniaruit naalakkersuisup allattaa, Nivé Lynge Biilmann, oqarasuaatikkut attavigineqarsinnaavoq: +299 23 23 50 imaluunniit e-mail: [email protected]